Шейх Мұхаммед бен Рашид Әл Мактум 1949 жылы Дубайда туған. Ол әуелі Біріккен Араб Әмірліктеріндегі «әл-Ахмадия» орта мектебінде білім алып, сосын Ұлыбританиядағы «Монс» әскери училищесін тәмамдады.
1968 жылы Дубай полициясының бастығы қызметіне кірісті, 1971 жылы Біріккен Араб Әмірліктерінің Қорғаныс министрі болып тағайындалды. 1995 жылы Дубайдың Тақ мұрагері, ал 2006 жылы билеушісі болып бекітілді. Сол жылы БАӘ Президентінің орынбасары және елдің Премьер-министрі болып сайланып, Үкіметтің жаңа құрамын жасақтады.
